Zhvillimi i disá fjalve te librit, Mrizi i Zânavet - Gjergj Fishta

acarr (i): të ftoftë, cegem
Adrje (ja): Deti Adrijatik
Agamemnon (i): kryeprîsi i ushtrís greke në Trojë
ag (u): dritë e marrët, (bagliore)
agzot (i): barot, qi vêhet në falme të çarkut.
Akej (t): Grekt
alabaster (i): mineral i tejpáshem
Albjonë (a): Anglija
anger (a): permbrendsa (visceri)
arenz (i): brunç, bronx
atilltë (i, e, të): atletë, azgan
Aulidë (a): vend në breg të Grekís
avis (i): humnere, (abisso)
bashtinë (a): tokët, livadhet, pronet e njaj shpije.
bigë (a): spellë malit
Bizanc (i): Stambolla
boenë (a): permbytje, vershim, (inondazione).
breshtë (a): pyllë e shpeshtë.
Briaré (u): êmen viganit, (ne mitologí).
brishti: rrshas.
bubrroj: rmoj, heci barkas.
bubuqe (ja): kelçi, në të cillin çilë lulja.
bulku i votrës: nji soj kandrret, qi kndon naten (grillo).
bulurinë (a): gjâmë.
carâ (ni): gúr votret, ûnak.
cem (i): gúr: tuf (terreno di tufo)
cemtë (i, e, të): i ftoftë.
Cukal (i): mal kahë lindja e Shkodrës.
çakrrí (ja): çikrrí, send i vogel, pá vlerë.
çapoj (t): kthetra.
çeste (ja): çeter, vegel muzikore.
dardhë moskadele: dardhë fort e âmel.
dari: bjerri, djerri.
Deçiq (i): mal mbi Tuz.
dejkë (a): dallndyshë.
dera e Alì Osmanit: dinastija e mbretenvet të Turkís.
derptuem (i, e, të): i shtrydhun, i pershkuem dhimbet.
dikoj: derdhi.
dirgjem: ulem.
doke (ia): zakon, adet.
dheu i Frangut: dheu i Europës së qytetnueme.
Eden (a): Parrîzi i tokës.
emblem (i): dhumere (Dukagjin): tumarë (Tiranë).
êmtë (a): hallë
endirë (a): qéf, ande.
fâng (u): tokë e thatë, shtoj.
fejzë (a): kanáll, gyp i hollë.
Felah (i): fis Aziatik.
felgrim (i): frigë, drojë.
flater (a): krah, fletë.
flaurí (ja): hjedhë (drithit).
frotë (a): çetë e keqe.
fulikare: turrshem, me hov.
Fushat Elizé: vendi i të lumvet n'at jetë, (në mitologí).
futë (a): faculetë jazit.
galé (ja): barkë.
garuzhdë (a): lugë e madhe.
gerthas: bertas, vikas.
Gigë (a): êmen vigânit (në mitologí).
gledhoj: due mirë, lmoj (accarezzo).
glinë (a): ujë âmull.
gocë (a): vajzë.
gopeder (a): top.
goromisi: rrxoj.
gradinë (a): shpat i blért.
grisun (i, e, të): i hângun, i sosun, i eger.
gjeldéc (i): bibâ.
gjeraçinë (a): skyfér.
halë (a): ród pishet.
henik (u): top i vogel.
Himalá (ja): mali mâ i nalti në botë (n' Azí të mjesme).
homerid (i): gjindë e kohës së Homerit.
iris: bader (lule).
irnuem (i, e, të): i perxîm: thohet per varrë (livido).
jank (u): êmen antonomastik i Amerikajvet; si «Lekë» i Malcorvet të Mbishkodrës.
jone (t): kângë, jehonë.
kacilitë (a): rubë, qi vênë në krye varzat e Mirditës.
kaos (i): pshtjellim.
karajfile (ja): pushkë e gjatë.
kataklizem (i): rrenim i pergjithshem.
kavatoj: trilloj, hartoj me mende (immagino).
kelç luljet: bubuqe.
kernalle (ja): kënetë.
kerthnestë (i, e, të): në shndet.
Kerubim (i): Êngjell.
kjasoj: kjáj.
kndellem: vêhem në shndet, ngjallem.
koha e „ballhutës“: koha e vjeter, (e bollekut: kúr hate qêni pagaçë).
kolibë (a): ksollë
konisi: perbûj (albergo).
kondosh (i): tallagan i veshun në lkurë.
kremiz (i): kadife.
krepatoj: thermoj.
kreshnik (u): fatoz, fisnik.
Kreshta e Veleçikut: Maja e Veliçikut
kurm (i): copë (mishit).
kurmagjak (u): suxhuk (mbushë me gjak).
kursár (i): cub detit, strujak (pirata).
lapèr (i): zhelan.
latë (a): spatë qi perdoret me latue.
Lekë (t): Malcorët e Mbishkodrës.
leqetisi: ndŷj, zhyej.
leqe (t): (Leqet e Hotit) dredhime rruget (serpetina).
Levit (i): Sherbtuer i Zotit.
lil (i): zamak.
londis: trandi, lkundi.
lpozë (a): çagjë, pshtimë.
lurtimë (a): miklim.
lurtoj: mikloj.
madergonë (a): bîmë ferrçe.
malukat (i): perbindsh.
Manov (i): fjalë qi thohet në të perbuzun per Aziatikë.
mardhë (a): të ftoftë të madh.
marsë: pjest. perziem, xé.
mashtrí (ja): dredhí, sherrí.
Meone (ja): vendi i të lemit te Homerit.
miazmë (a): erë e randë.
moh: befas, pá pritë.
moje (ja): nji vend i naltë, qi del mbi tjerë.
morriz (i): ferrçë
Moskov (i): Rusija.
mret (i): mare (nji ród pêmet).
mrrutë (a): rrole, plakë.
murojë (a): shyt (scudo).
namlí (ja): hekuri i pushkës.
Nazaré (u): Jezu Krishti (prej Nazaretit).
neshtrashë (a): rrethânë, ogur, fat.
nzis: shtŷj, ngacmoj.
ndofllash: (ablativ) fulqîjsh.
ngallis: gergas.
ngarmoj: shtŷj, nzis.
ngerthej: vrâj, mrrudhi.
ngrofi: xéj.
njethët (i, e, të): i njomë, i blért.
njuhas: marr erë.
pajanderr (a): mbajtse (sostegno).
pajuer (ori): dyrek barket.
pardh (i): leopardh.
Parnas (i): Mali i Zânavet.
pase (ja): pasqyrë.
patershanë (a): heshtë.
pegame (ja): ndŷsí (lordura).
pellg (u): gjí lumit (bacino).
Pergam (i): qytet n' Azí të Vogel.
perkjellë (a): miklim, lurtimë.
perlim (i): detyrë.
petrit (i): skyfér.
picakoj: zdeshi.
piloj: ligshtoj.
plandosi: perplasi.
plojtë (i, e, të): i ngathët.
plleshem (i, e, të): i frytshem (fertile).
polip (i): peshk detit.
priskoj: sterklas (aspergo).
prone (t): pasuní tokësh (possesione).
prûjtë (i, e, të): i poshter.
qeparizë (a): plep i butë.
qipuj (t): shpirten të kqí.
rád (i): ushqim; gjallnim.
ravë (a): ví, rrugë.
ravtoj: udhtoj, rrugoj.
rektoj: hjeki, ap shpírt (agonizzo).
reshi: sjelli.
rizë (a): mblojë e hollë krejet.
rmaj (t): vendi i vorrevet.
rysi: msoj, pajisi.
rragam (i): krep.
rraplloj: kersas.
rreshme: (boret) ortek.
rriba e Verit: rryma e Verit.
rrmyeshem (i, e, të): i turrshem.
rrole (ja): plakë, mrrutë.
rrome (ja): vjerrshë shpotijet.
rropame (ia): krisem, zhurmë.
rrushkull (a): bîmë ferrçe.
Saharë (a): shkretí râne n'Afrikë gjithmonë e blért.
selví (ja): landë (cipresso).
Serafini i Asizit: Sh. Françesku.
skjyrtoj: vrej, vê n'oroe, shikjoj.
sklafë (a): tallaz.
sogje (ja): rojë.
shag (u): (shegj, t). shtrojë, halí.
shajak (u): zhgun.
shart (i): fat (sorte).
shatergaz (i): vegel me thye token.
shatorre (ja): çader.
shauret (i): lugat.
Shé (u): nji nder dyer të Trojës.
shînoj: shênjoj.
shkallme (ja): shpatë.
shkarth (i): rrogtár, shegert.
shkepter (i): shkop mbretnuer.
shkerbé (ja): bishë e eger.
shkerdhyem (i, e, të): i poshtnuem, i dhunuem.
shkmej: shlyej.
shkreptimë (a): vetimë.
shkundullis: shkundi.
shllim (i): idé.
shpendme (ja): bîmë e helmatisun.
shtîm (i, e, të): i lém pá kohë; (abortito).
shtoj (i): tokë e thát, fâng.
tarogza brynatake: perkrenare me bryna.
tej (i): konop leshit.
tejzë (a): konop leshit i hollë.
termale (ja): të njitun perpjetë
termet (i): termek.
Titanik (u): hokubet i madh (në trajtë të Titanvet).
tjarë (a): kunora e Papvet.
tmershem (i, e, të): i mnershem.
tufâ (ni): thellim, duhí.
turshîj: shtypi, thermoj me turr.
theki kamben: u grahi kambvet.
thellim (i): stuhí, duhí.
therore (ja): ltér.
Theta: Θ (germa fillore e fjalës grekishte θάνατος = dekë).
thith (i): çiví (cardine).
thopçë (a): shpírt i keq.
ulâ (ni): luâ.
ulkojë (a): fêmna e ujkut.
urtytë (a): mand toket.
uturim (i): zhurmë, bumbullimë.
vamqir (i): shpend (lakuriq) qi thithë gjakun.
vigâ (ni): gjigant.
vigem (a): brîmë.
Vir (i): qytet i vogel në Mal të Zí.
Vobeku i Asizit: Sh. Françesku.
vringlloj: sjelli (shpaten).
zallotë (a): 30 pare (turkut).
zgorkë (a): plasë (pertugio).
zushë (a): të xét të madh, zheg.
zhablloj: bâj zhurmë (tue hecë).
zhaurrimë (a): rropame, krisme e fortë.
Zhubë (a): Malcí e Lezhes.
zhumhúr (i): krisme e letë.

Zhvillimi i disá fjalve te librit

Âsht marrë në kujdes mâ teper kuptimi i posaçem qi i jipet fjalës në vend të perdorun. O. e B.